Tuisblad

DIE SKOOLHOOF
VERWELKOM U
BELANGRIKE
NUUS
ONS IS TROTS
OP ONS LEERDERS

Die woord “entoesiasme” beteken “God binne ons”.  Daarom sal God Hoërskool Uitsig se leerders, hul ouers/voogde, die personeel, die skoolbeheerliggaam en ons gemeenskap seën hier waar ek met entoesiasme en volle vertroue in Hom, die leisels van hierdie puik hoërskool oorneem.

Hoërskool Uitsig se kern aktiwiteit  is om elke leerder se unieke potensiaal met  kwaliteit te onderrig,  leer en deelname optimaal te ontwikkel sodat hul toekoms suksesvol ontsluit.

Elkeen van Hoërskool Uitsig se 1056  leerders, ons “Chillies” is vir ons top prioriteit en ons beskou die opvoedingstaak van Hoërskool Uitsig se unieke en talentvolle mensepotensiaal as ‘n voorreg en ernstige verantwoordelikheid. Hier onderrig ons vanuit ‘n Christelike perspektief en inspireer ons daagliks die uitleef van waardes soos uitnemendheid, deernis, positiewe denke, integriteit en respek.

Hoë akademiese standaarde is ons maatstaf en elkeen van ons 64 dinamiese, vakkundige en toegewyde onderwysers poog om ‘n gedissiplineerde, positiewe en produktiewe leeromgewing in sy/haar klaskamer te skep.

Toekomsgerigte vakkeuses en akademiese prestasie wat verdere studie en loopbaangeleenthede oopmaak, word aangemoedig onder die leerders. Ons het op Maandae akademiese middae en ook intervensie programme om die leerders in die bereik van hul akademiese doelwitte te ondersteun. Ons spog graag met pragtige 2016 matriekuitslae: 115 onderskeidings en die toppresteerders naamlik Bianca Niemand met 7 onderskeidings asook Kirsten Richards en Wesley Phalafala wat 5 onderskeidings behaal het. Ons streef toekomsgerig na ‘n 100% slaagsyfer en selfs beter kwaliteit uitslae.

Kultuur en sport deelname maak van ons leerders gebalanseerde kampioene oppad na volwassewording. Alhoewel prestasie ons trots  en vreugde is, is betrokkenheid en deelname van elke Chillie ons doelwit. Ons glo dat daar ‘n deelname- en/of ondersteunersplek onder die Uitsig son is, (vir elkeen van ons leerders.) Gebruik die talle geleenthede in leierskap, entrepreneurskap, sport en kultuur, want dit moedig individuele vaardigheid, spanwerk, sportmansgees, vertoonkuns en goeie selfvertroue by ons leerders aan.

Dankie aan ons skoolbeheerliggaam, in besonder ons voorsitter mev Millie Sibiya, vir haar bekwame rol en kundigheid in die bestuur van ons skool. Ouers/voogde: U is ons mees gewaardeerde opvoedingsvennote by Hoërskool Uitsig. Dankie dat u, u kinders liefhet en ondersteun met daaglikse organisasie, netheid, skoolfonds, logistiek, effektiewe tydsbeplanning en motivering.

Saam, met entoesiasme, bou ons toekomsgerig aan die suksesstorie van Hoërskool Uitsig!

 Dr. Gerhard Maré

Lees meer

VERWELKOMING

Baie welkom aan ons nuwe Skoolhoof Dr. Gerhard Maré. Ons vertrou dat U baie gelukkig by ons gaan wees.

ALGEMENE NUUS

**Nuwe skoolklere is nou by Wierdapark Uitrusters beskikbaar.
H/v Willem Botha en Springbokstraat, Wierdapark.

**Tweedehandse skoolklere

Kontak die skool aangaande tweedehandse skoolklere.

Verdere stoorure sal later die week bekend gemaak word.

**MYSCHOOL KAART:  Indien daar ouers is wat nog nie 'n MySchool kaart het, kom haal asb. 'n aansoekvorm af by ontvangs.

 

 

 

 

 

 

Erkenning vir prestasie

Die skool gee graag erkenning aan leerders wat presteer met enige skoolaktiwiteit.

Daar word jaarliks vier meriete aande gehou.
 

Hierdie spoggeleenthede sluit die volgende in:

Januarie:  

Cum Laude-aand (gr 8 – 11)

Oktober:

Sportmeriete-aand
Gr 12 Cum Laude-aand
Kultuurmeriete


Top 10 Akademiese Presteerders
1ste Termyn 2017

 


Lees meer

KOOP EN ONDERSTEUN

Kry ‘n gratis kaart aanlyn of skakel 0860 100 445.
Jy kan ook by enige Woolworths-winkel ‘n kaart kry.

CHILLIE MASCOT

Vir Uitsig beteken die rissie geluk, vreugde, opwinding,
ekstra geur, ‘flavor’ en woema!

KUNSGALLERY

Ons departement is betrokke by uiteenlopende
verskeidenheid van kunsteorieë en praktiese komponente.